الرئيسية / منوعات / كيف يمكن السفر و الهجره الي ماليزيا و الحصول علي اقامه و الجنسية

كيف يمكن السفر و الهجره الي ماليزيا و الحصول علي اقامه و الجنسية

كيف يمكن السفر الي ماليزيا ماليزيا هي دولة تقع في جنوب شرق آسيا مكونة من 13 ولاية وثلاثة أقاليم اتحادية، بمساحة كلية تبلغ 329,845 كم2. العاصمة هي كوالالمبور، في حين أن بوتراجايا هي مقر الحكومة الاتحادية. يصل تعداد السكان إلى أكثر من 30 مليون نسمة

12 خطوة عملية للسفر والدراسة والاقامة في ماليزيا هشرحلك فيها ازاي انت كطالب مصرى في أي مرحله دراسية ( من الثانوي – الدكتوراه ) تيجي تدرس فيها , او باحث عن عمل وعاوز تستقر فيها كدولة اقتصادها مرتفع ومزدهرة جدا


1لماذا_ماليزيا‬ :
ماليزيا كانت من سنوات قليله جداً بلد متأخره , ومع الجد والعمل ” كوالالمبور” العاصمه مكان له وزنه الاقتصادي العالمي وأصبح لها ثقل ودولة فى غاية التحضر وتسعى للمزيد عن طريق التعليم !! التعليم كان من أهم مقومات الحضارة , الأهم من ان التعليم في ماليزيا يضاهى جامعات عالمية من حيث المادة العلمية وتسهيلات الطلبة ومساعدتهم بالاقامة والمعيشة فإن – – – أسعاره مبتختلفش كتير عن مصر !
– الدراسه كمان باللغة الانجليزية بشكل عاام
– التعامل فى الشوارع باللغة الانجليزية
– الناس هناك مؤمنة بدورها جدا فى بناء دولتهم المعتمدة اعتماد اساسى على السياحة
– الأسعار متفاوتة من مدينة للأخرى ولكن كلها تناسب المستوى المعيشى لدخل الفرد
– الأمن وتحقيق العدالة من أهم الصفات التى يتميز بها الشارع الماليزى
– انتشار العرب بشكل مكثف فى العاصمة وبعض المدن واستثمارتهم المهولة هناك
– الاماكن السياحية وامكانية بدأ مشروعك الخاص بأسعار وامان
استخدم‬ موقع البحث “جوجل” لتتعرف اكثر على ماليزيا

2
‫#‏اختيار_التخصص‬ ‫#‏الدرجه_العلمية‬ :
الموقع ده هيوفر عليك عناء البحث وتقدر من خلاله تختار تخصصك الدراسى وبدوره هيظهر لك الجامعات المتاح فيها التخصص .
– رابط الموقع : http://studymalaysia.com/

وعلى الموقع التالى قائمه بأفضل الجامعات بماليزيا لعام 2015 : راجع تخصصك
رابط الموقع : http://www.4icu.org/my/

3
اللغة :
الجميل في ماليزيا , ان اللغه بتاعه الدراسه انجليزى ! وبالتالي بتحتاج بشكل كبير تاخد أيلتس أو تويفل وبيختلف الدرجه المطلوبه فيهم حسب الجامعه والدرجه العلميه .
والموقع التالى هتقدر تعرف من خلاله اكتر عن الأيلتس
– رابط الموقع http://goo.gl/ut2ujv
بالاضافة ان ماليزيا ممكن تدرس فيها اللغة ودا بيعمله ناس كتير بحيث تسافر على فيزا طالب لغة تتعلم وتمارس وتكتشف الواقع هناك فى خلال 6 شهور وتقرر بعدها هتقدر تكمل مرحلة جامعية او لا .

4: المتطلبات الرئيسية
لو خلاص قررت تدرس فى ماليزيا او اى دولة فى العالم فأنت يلزمك بعض المتطلبات غير اللغة ودى لازم تحضرها فورا ودايما تكون معاك على سبيل المثال
– ترجمه شهاده الثانوي بالعربي للانجليزي وتصديقها من الخارجية .
– ترجمة شهادات خبرتك فى اى مجال لأن فى جامعات بتوثق لك خبرتك بشهور دراسية ودا بيسهل عليك حاجات كتير .
– ترجمة اى شهادة تكريم او مشاركة مجتمعية لأن دا ممك يرفع من عليك عبىء المصاريف فى حالة انك اشتغلت عمل تطوعى بشكل كويس .

5: المصاريف
المصاريف الخاصة للجامعات بماليزيا رقم ضئيل مقارنه بأسعار الجامعات المصرية والمعاهد ومصاريفها مع العلم فرق مستوى المعيشة والتعليم نفسه والتدريب اثناء التعليم فى الكليات العملية , و المصاريف مش ثابته بتختلف من جامعه للتانية , بتتراوح بين (1500$ – 6000$) وده رقم ضئيل جداً زي ماقولت عالمياً , باستثناء تخصص الطب فهو بيدأ من 10000$ .
مع التوضيح ان المنح مازالت متاحه وبكثرة لطلبة الماستر والدكتوراه وأحياناً البكالريوس ,,  تفاصيل كاملة عن المنح فى ماليزيا وكيفية القبول فيها والموقعين دول هيفيدوا مبدئيا فى البحث عن تخصصك واهم المنح الحالية
http://www.studymalaysia.com/student/scholarship.php
http://afterschool.my/scholarship/

6  : نظام المراسلة ولاختبار
وهو إنك تختار جامعه من اللينك السابق أو من جوجل , وتدخل عليه وهتلاقي خانه للطلاب الدوليين بعدها هتلاقي أبليكاشن او ايميل تبعت عليه .. ابدأ املا بياناتك وابعت واتأكد من ايميلك وعنوان بيتك . ويذكر ان ماليزيا كل حاجه فيها بتخلص بالانترنت يعني متقلقش انت زيك زي اللي قاعد في كوالالمبور تقدم وتتابع ورقك , ( فيه مكاتب كتير هناك متخصصه في اتقديم للطلبه وبتاخد فلوس منك , بس أعتقد الموضوع مش مستاهل ) .

7 : خطاب القبول
هيوصلك خطاب القبول المبدأي بعد ماتدفع مصاريف التقديم ويتراجع ورقك وده معناه انك الحمد لله اتقبلت .. بعدين هتبعت صورة من جواز سفرك كامل للجامعه بحيث انها تبدأ في انهاء اجراءات الاقامه والفيزا بتاعتك , الموضوع ده بيتراوح من شهر ونص لشهرين .

8: الحصور علي الفيزا
بيوصلك خطاب من الجامعه ان فيزتك جاهزه هتاخد الخطاب و جوازك تطلع على السفاره الماليزيه ( ورا مسجد مصطفى محمود – المهندسين ) تروح تدفع مبلغ ضئيل (40 جنيه حاجه زي كده ) ويختمولك الجواز : كده انت جاهز للسفر .
—-
9- : حجز تذكره السفر
الموقع ده اشهر مواقع الحجز هيجبلك أرخص التذاكر المتاحه ومواعيدها وشركات الطيران :
www.skyscanner.com
وفى مواقع تانية كتير جدا بيكون عليها عروض سفر احيانا لا تتخطى ال 100 $ ممكن تراجع جروب الكشك وتبحث عن تذاكر سفر او مواقع حجز وهتلاقى كتير
—-
10 : الوصول
المفروض انك بتكون مبلغ الجامعه بمعاد طيارتك بحيث انهم يستقبلوك في المطار ويسهلولك الدخول , انت هتخش غير أي حد لانك طالب جاي بفيزتك ! فخلي بالك أوعى يختملك فيزا سياحه تلات شهور ( لان المصريين ليهم حق دخول ماليزيا تلات شهور سياحه بياخدها من المطار ) خلي بالك لان واحد صاحبي من اللي راحو ماليزيا موصيني أكتر من مره اني أقول الكلام ده ,هتخش وتسلم جوازك للجامعه عشان تاخد اقامه طالب لمده سنه تجدد كل سنه .

11: المعيشة
السكن والمعيشه في ماليزيا فيه كل الطبقات يعني ممكن تسكن وتعيش من أول 150$ لحد 1000$ انت وراحتك, بس في العموم العيشه هناك رخيصه .
وتقدر تشوف شقق لو انت مش عايز تسكن في الجامعه اللي غالباً سكنها بيكون رخيص , والمواقع دى هتساعدك كتير وفى كمان جروب العرب فى ماليزيا بيقدموا عليه عروض ممتازة استفيد من فيسبوك زى ماهوا بيستفيد منك
http://www.iproperty.com.my/
http://www.sublet.com/

12 ينفع اطير وانا لسه (ثانوي) :
لو انت تانية ثانوي تقدر تكمل هناك تالته ثانوي في مدرسه عربية ب1500$ .. أو تقدر تدخل جامعه على طول وتعدي على سنه اسمها Foundation , بس دي بتكون حسب الكليه اللي انت عايزها بتكون زي تأسيس ليك , ولو أنت IG ومعاك O level تقدر تكمل A level أو تخش برضو سنه الفونداشن , ولو انت في تالته ثانوي خلص امتحانات وجهز شنطتك
ودى نصيحة ذهبية : لو بدأت هناك وانت صغير هتختصر على نفسك تفاصيل كتير بعد كدا , اللى بيبدأ حياته العملية الفعليه اللى بتكون اساسها بعد الثانوية لو بدأها فى كلية وجامعة بترعى معاملها وبتحببك فى يومك وزمايلك وبتعاملك كإنسان لك حقوق وعليك واجبات هتنهى الدراسة وانت عارف كويس عليك ايه وليك ايه وهدفك فين
ولا أنسى ان من مميزات : ماليزيا دولة اسلامية  ودا سبب بيخلى اسر مسلمة كتير تمنع اولادها وبناتها من السفر لأوروبا واميركا , أظن ماليزيا قدرت تحقق الموازنة دى بحيث تقدر تحافظ على تربية اولادك بشكل سوى لو انت كنت بادىء معاهم الطريق كويس
معلومات التصريح الامني : مش محتاجة لفيزا الطالب .

العمل في ماليزيا

الشغل في ماليزيا زيه زي أي مكان محتاج منك بحث كويس ويكون عندك مهاره تواصل وابتسامة وصبر وشغف انك تكون منافس قوي على العمل , اما لو انت معاك فلوس تقدر تفتح شركه بكل بساطه وتاخد فيزتك عليها انت وعيالك وموظفينك بس يبكون فيه شروط وكده ودى بعد فترة بتديك حق الجنسية لك ولاولادك على اعتبار انك مستثمر مقيم . ودى بعض المواقع اللى هتفيدك فى الموضوع دا ولا تنسى ان المنافسة على الوظائف العامة هناك كبير بسبب التعدد السكانى الاسيوى والايدى العاملة المهاجرة الكثيرة والمتعدة بس انت قوى وقادر تصبر وتنافس فى دولة تقدر تاخد فيها حقك بشكل قانونى ومافيش شخص بيتحكم فيك .
http://www.jobstreet.com.my/
http://www.monster.com.my/
http://my.jobsdb.com/my

العملة :
العملة الرسمية هى “الرنجت” 1 رنجت = 2 جنية مصرى . بس زى ماوضحنا فى البداية وفى اغلب مقالات الكشك , فى فرق كبير بين دول الخليج اللى هدفها الاول والاخير هو امتصاص مافيك من خبرة وصحة ووقت وعقل بلا اعطائك اى شىئ ولذلك المسافر لها دائما يتمنى العودة ويضحى بكل شىء فى سبيل تحقيق مستوى مادى شبه انسانى لا يستفاد به عن القهر او المرض او ترك احبابه .
وبين الدول اللى بتسافر لها عشان تعيش انسان سوى
ابنك لما يتعب تلاقى عناية طبية مجهزة مهما كانت ديانتك او لونك او جنسيتك , لما بتتعلم شىء بتتعلمه صح , لذلك المسافرين للبلاد دى لو سمحتم محتاجين ننظر للأمور بشكل جديد , بشكل اسمه بحث عن وطن , لأن اشتياقك الدائم لأى شىء قديم بيدمر الجديد وبيفقدك متعته , والدول دى عملتها ليها حساب داخل بلادها يعنى لاتحمل هم هتعيش فى اقل الظروف انسان محترم ولك حقوق وعليك واجبات وبيتحقق عليك العدالة وعندك أمل فى التعمير .

عن admin

شاهد أيضاً

10 دول علي مستوي العالم تفتح أبوابها للمصرين دون تأشيرة

بشري سارة : 10 دول علي مستوي العالم تفتح أبوابها للمصرين دون تأشيرة

“التأشيرة”.. الجزء الأهم من إجراءات السفر التي تؤرق أغلب “عشاق الرحلات” بسبب ارتفاع وتفاوت أسعارها. ...

28 تعليقات

  1. اريد الاستثمار فى ماليزيا …فى مشروع صغير او متوسط…كيف اعرف مايمكن عمله من مشروعات

    • انا مقيم بماليزيا من فترة والحقيقة لفت انتباهى لشئ مهم جدا اود ان اطرحه هنا وهو انو الشباب للاسف بيتغر بيه من بلده ان ماليزيا افضل من اروبا والدخل هناك مرتفع للغاية والمرتبات عالية جدا واقامات وشئ من هذا القبيل اولا كل هذا الكلام فارغ وليس له اساس من الصحة ٠ ماليزيا صحيح نجحت وحققت طفرة اقتصادية هايلة واحنا كمصريين مسموح لينا باقامة ٣ شهور ٠ لكن من يفكر بالعمل واقامة فصعب جدا بل مستحيل ان حد يعملك اقامة ولو وجدت وظيفة لن يرتفع راتبك عن دولا٤٠٠ر ٠ باختصار النصب والاحتيال هنا وماليزيا دولة مشاريع فقط يعنى مطاعم ومخابز شركات سياحة ٠الخ٠ ماليزيا يا جماعة مشاريع فقط ولا يوجد وظايف هنا ٠٠٠ شكرا جزيلا

  2. انا مهندس ميكانيكا مصرى اقيم فى الكويت اريد الهجرة إلى ماليزيا للأقامة بشكل دائم
    ماذا يجب ان افعل
    شكرا

  3. سلام عليكم
    انا اسمي انس ومتجوز وعندي ولد صغير انامش مسجل بهيئهالأمم المتحدة
    م

  4. السلام علبكم انا مصري ا رغب في الاستثمار في مشروع صغير بماليريا فما هو الطرق المطلوب اتباعها وكيفذة اختيار مشروع صغير ينجح هناك وكيفيه التعرف علي المشروعات التي استطيع الاستثمارفيها وما هو راس المال المطلوب لاقامة مشروع صغير اقل راس مال استطيع اقامة مشروع صغير به في ماليزيا ممكن الرد علي الخاص ولكن الشكر

  5. انا مدرس فى القانون الدولى اريد العمل فى ماليزيا

  6. احمد وهبة وهبة

    اريد السفر والعمل والاقامة في ماليزيا وعمل مشروع مناسب وبكم تكون التكلفة وما هو المشروع الجيد الذي من خلاله استطيع المعيشة وهل هناك عمل للمهندس معماري
    ارجوا الرد والإفادة وجزاكم اللة خيرا

  7. كيف اقيم في ماليزيا انا وعائلتي اقامه دائمه والعمل هناك
    الرجاء المساعده

  8. انا خباز افرنجي
    وعاوز اروح ماليزيا واعمل بها واعلم اولادي هناك
    ممكن اي انسان يساعدني
    انا مصري وحاليا في السعوديه
    ورقمي 00966594413922
    وجزاكم الله خير

  9. انا صيدلاني من العراق اود الهجرة الى ماليزيا لغرض اكمال الدراسة وفتح صيدليه هناك فماهو المطلوب?

  10. السلام عليكم انا من الجزائر و عندي مستوى جامعي في العلوم الاقتصادية و دبلوم تقني سامي في مراقبة نوعية و تحاليل الاغدية ، تريد العمل في ماليزيا فكيف العمل و ماهي الاجراءات اللازمة

  11. أرغب في قامه دايمه

  12. انا مقيم بماليزيا من فترة والحقيقة لفت انتباهى لشئ مهم جدا اود ان اطرحه هنا وهو انو الشباب للاسف بيتغر بيه من بلده ان ماليزيا افضل من اروبا والدخل هناك مرتفع للغاية والمرتبات عالية جدا واقامات وشئ من هذا القبيل اولا كل هذا الكلام فارغ وليس له اساس من الصحة ٠ ماليزيا صحيح نجحت وحققت طفرة اقتصادية هايلة واحنا كمصريين مسموح لينا باقامة ٣ شهور ٠ لكن من يفكر بالعمل واقامة فصعب جدا بل مستحيل ان حد يعملك اقامة ولو وجدت وظيفة لن يرتفع راتبك عن دولا٤٠٠ر ٠ باختصار النصب والاحتيال هنا وماليزيا دولة مشاريع فقط يعنى مطاعم ومخابز شركات سياحة ٠الخ٠ ماليزيا يا جماعة مشاريع فقط ولا يوجد وظايف هنا ٠٠٠ شكرا جزيلا

    • لو سمحت يا أستاذ عمرو بما عندك من خبرة هل في مشاريع انشاءات مدنية أو طرق او مشروعات يمكن ألاقي فيها فرصة عمل
      (أنا مهندس مدني) وبفكر أسافر أنا وزوجتي علي تأشيرة عمل
      شكرا جزيلا

  13. السلام وعليكم ، هل هناك طريقة سهلة في الحصول على الجنسية و الجواز الماليزي ؟ وشكرا

  14. بارك الله فيك على مجهودك والله المستعان

  15. طب لو رايح تانية ثانوى american اقدر اكمال و اية المدارس اللى ممكن اكمل فيها

  16. انا طبيب بيطرى من مصر اود الهجرة الى ماليزيا لغرض فتح عيد بيطرية هناك فماهو المطلوب?

  17. انا طبيب بيطرى من مصر من اود الهجرة الى ماليزيا لغرض فتح أو مشاركة فى عيادة بيطرية هناك فماهو المطلوب?

    • السلام عليكم ورحمة الله
      بالنسبة لاى استفسار او معلومات عن ماليزيا
      انا مقيم فيها من 4 سنوات
      تحت امر حضرتك بخصوص اى استفسار
      شكرا

      • السلام عليكم اخى الكريم
        ارجوا من حضرتك افادتى بكل امانه عن السفر والاقامه فى ماليزيا لى انا وابنى وبنتى حيث اننى امتلك فى مصر مطبعه ولنا خبره عاليه جدا فى مجال الطباعه والتصوير والدعاية والاعلان انا وابنى فهل لو نقلنا هذا العمل هناك نستطيع ان نعيش فى مستوى اجتماعى اعلى ام لا
        ومن ناحيه اخرى هل هناك تكمله تعليم عالى بالجامعه لحملة الدبلومات الفنيه وذلك لابنائى لكى يستكملو تعليمهم هناك بدلا من مصر
        ولسيادتكم جزيل الشكر

      • انا اعمل بالسياحة في مصر وكما تعلمون لا يوجد سياحه الآن هنا فهل يوجد فرص عمل لي لديكم حيث انني حاصل على English for tourism Diploma من جامعة أكسفورد بأنجلترا وعملت بمجال التسويق والمبيعات فأرجوا الإفادة.
        مع الشكر

  18. انا اعمل فى مجال المقاولات يا ترى ممكن اجد فرصة للعمل فى ماليزيا

  19. لو سمحت عايزه اقامه عمل ف دوله اروبيا ولبنتي وزوجي ممكن تفيدني

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *