الرئيسية / السفر و الهجره / شروط فيزا الخطوبه من أمريكية أسباب رفض او قبول فيزا الخطوبة

شروط فيزا الخطوبه من أمريكية أسباب رفض او قبول فيزا الخطوبة

فيزا الخطوبه ليها ثلاث شروط مهمين جدا لو توفروا أضمن حصولك عليها بسهوله
أولا أن يكون في مقابلة تمت في خلال السنتين اللي فاتو ومش أنكو تكونو تعرفو بعض بقالكم سنتين لأ
مقابلة بس تكون بالفعل تمت ويكون في صور ليكو مع بعض والأصدقاء والعائلة
يكون في هدايا بعتها لها او هي أرسلتهالك وطبعا المستندات الخاصة بالهدايا دي ذي أيصال الشحن DHL أو فيدكس أو غيرها
ثانيا صور من المحادثات مابينكم ونصيحة مني بلاش تعمل 500 صفحة للمحادثات
أه والله 500 صفحة في ناس بتعمل كده
لأن ده هيخلي اللي بيبص علي الورق يعتقد أنك بتحاول تعزز موقفك بحاجة تانية لأن العلاقة فعلا ضعيفة وصدقني كتر الورق في النهاية ميسواش حتي تمن الورق اللي مكتوب عليه لأن مش معقول هيبص ويقرا 500 ورقه
أكتفي ب6 أو 7ورقات وخير الكلام ماقل ودل وترتب طبعا الورق بطريقة كويسه بحيث أن اللي يفتح الورق يلاقي اللي محتاج يشوفه مش اللي انت بتحاول تقنعه بيه ذي موضوع ال500 ورقه
واخيرا والأهم
Form i-129f
وده بالذات تكتبه بعنايه شديدة جدا لأن فيه أسئلة دقيقة أوي ومفهوش سؤال ملهوش لازمه
كمان الصور والمقابلة والهدايا تكون قبل ماتبعت الفورم i-129f مش بعده حاول تنزل الفورم ده وتقراه كويس جدا لأنك بعد ماتبعته ل uscis مش هتعرف تغير فيه حاجة وإلا هتعمل ذي الراجل اللي أكتشف انه كتب حاجة غلط وحب يصلحها أنتظر سيارة شحن البوسطه اللي بتيجي تاخد الجوابات وجري وراها علشان يوقفها ( حدث بالفعل قصه حقيقيه )
حاجة كمان مهمة
أنت مهم جدا بالنسبالك تقنع شخصين الأول هو المسؤل اللي بيبص علي الورق بتاعك في uscis وده كل اللي يهمه هو أن كل ورقك يكون مظبوط ومكتوب صح
والتاني هو المسؤل القنصلي في السفارة
وده يهمه أنه يتاكد أن في علاقه موجوده بالفعل وده طبعا تثبته ليه بالصور وأيصالات الشحن والمحادثات لو طلب
ومش مطلوب منك وأنت جوا السفارة لأجراء مقابلة فيزا الخطوبه غير أنك تبتسم لأنك لو توفر بالنسبالك الثلاث شروط اللي قولنا عليهم هتكون واخد موافقه من قبل حتي ماتخش السفارة
كمثال عن صديق لما راح مقابل فيزا الخطوبه القنصل كان بيكتب له علي الكمبيوتر الموافقه وكل اللي سأله عليه خطيبتك أسمها أيه
مبروك أنا موافقك أديلك التأشيرة
بالتوفيق للجميع

لمزيد من المعلومات عن السفر و الهجره حول العالم يمكنك الاطلاع علي بعض المقالات المتميزه 

الهجره الي استراليا الميزات و الشروط و الوظائف المطلوبه وكيف التقديم

الهجرة إلى نيوزلندا و العمل و اللجوء و كيف حساب نقاط الهجرة

كيف السفر و الهجره الي سنغافورة و الحصول علي عمل

كيف الهجره الي جورجيا و الحصول فيزا علي عمل و اقامة

كيف السفر و الهجره الي تركيا من مصر و شروط السفر و الحصور علي اقامه و عمل

 

و انضم الي جروبنا علي الفيس بوك لمتابعه كل جديد والاجابه علي الاستفسارات من خلال الرابط التالي >> https://bit.ly/2NyAfDP

مصادر خارجيه

تأشيرة الخطيب أو الخطيبة

الخطيب/الخطيبة

نقلا عن : Mina Gergs

عن اسامه محمد

مدون عربي اهتم بكل ما هو جديد واقوم بتقديمه لكم

شاهد أيضاً

أشهر طرق الهجرة الى امريكا

اسهل طرق الهجرة الى امريكا

الهجرة إلى أمريكا وخاصة معظم المسافرين، ونسبة كبيرة من الشباب العرب بشكل عام يحاولون الهجرة ...

2 تعليقات

  1. شعيب محمد سيف

    اريد السفر الا امريكا

  2. Abdelwahid abdeqran hassan

    اريد السفر أمريكا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *