الرئيسية / السفر و الهجره / السفر الي اسبانيا عن طريق التطوع و الحصول علي اقامه بالمجان

السفر الي اسبانيا عن طريق التطوع و الحصول علي اقامه بالمجان

إسبانيا رسمياً مملكة إسبانيا   هي دولة عضو في الاتحاد الأوروبي تقع في جنوب غرب أوروبا في شبه الجزيرة الأيبيرية.

يحد برها الرئيسي من الجنوب والشرق البحر الأبيض المتوسط باستثناء الحدود البرية الصغيرة مع إقليم ما وراء البحار البريطاني جبل طارق. يحدها من الشمال فرنسا وأندورا وخليج بسكاي، وإلى الشمال الغربي والغرب المحيط الأطلسي والبرتغال.

ما هي خدمة التطوع الأوروبية

خدمة بتسمح للشباب إنهم يسافروا من بلادهم ويروحوا بلاد تانية علشان يتطوعوا مع جمعيات لمدة من شهرين لغاية سنة تقريباً علشان تزود من مهاراتهم ويتعلموا لغة ويطوروا من نفسهم وقدراتهم وده بيبقي علي حسب إهتماماتهم وطبيعة أنشطة الجمعية اللي هيشتغلوا فيها، يعني مثلاً انا كان إهتماماتي ريادة الأعمال الإجتماعي فكنت بدور علي جمعية اقدر من خلالها أتعلم اكتر عن المجال ده .وبيكون الإتحاد الأوروبي هو اللي بيدفع كل مصاريف الإقامة والسفر والتأمين الصحي وكمان مصروف جيب وكمان بتاخد شهادة من الإتحاد الأوروبي معتمدة وإسمها Youth Pass .
—-
التعريف بالجمعية : إسمها بالأسباني خوبيسوليدس
Jovesolides España
ودي منظمة ليها 5 فروع في العالم ، فرع في المغرب و3 فروع في أمريكا اللاتينية (نيكاراجوا – السلفادور – كولومبيا ) والفرع الرئيسي في فالينسيا إسبانيا . وهي جمعية بتشتغل في حوالي 6 مجالات تقريباً أهم :
1-ريادة الأعمال الإجتماعي والإبداع الإجتماعي :
Entrepreneurship and Social Innovation :
وده من خلال عمل منتديات دولية وإجتماعات وندوات وورش عمل وتدريبات خاصة بالموضوع ده.

2- عمل مشاريع أوروبية :
Project Management :
ودي بتكون عبارة عن كتابة مشروع وعمل عقود شراكة مع جمعيات تانية من دول تانية وتقديم المشاريع دي لجهات ممولة وبعد كده تنفيذ المشروع وتحقيق نتايجة .

3-التداخل الثقافي :
Sensitization and Interculturality :
وده من خلال المبادرات الإجتماعية اللي بتعملها الجمعية لكيفية التعايش والإندماج في المجتمع مع الثقافات المختلفة .

4-التمكين الوظيفي :
EMPODERA-T :
وده من خلال توفير ورش عمل للعاطلين لتوجيههم وإرشادهم لكيفية إيجاد فرص عمل أفضل من خلال إستخدام تكنولوجيا المعلومات .

5- مركز التليسنتر :
E-SPAI LA COMA :
وده عبارة عن مركز لمساعدة أهالي الحيّ علي إستخدام تكنولوجيا المعلومات في أوقات الفراغ أو عمل أي أوراق حكومية ليهم من خلال الإنترنت.

6- تشجيع كبار السن علي إستخدام تكنولوجيا المعلومات :
MAYORES MOVILIZADOS :
وده عبارة عن ورش عمل لتدريب كبار السن علي إستخدام التكنولوجيا والبرامج الحديثة في العموم زي الواتس اب مثلاً .

مميزات المنحة :
1- مصاريف السفرذهاب وعودة ممولة بالكامل من الإتحاد الأوروبي بنسبة 100 %
2-تأمين صحي علي أعلي مستوي و أنا جربته بنفسي أما عملت حريقة في الشقة اللي أنا ساكن فيها .
3- كورس لغة إسباني مجاني لمدة سنة من خلال موقع : /http://erasmusplusols.eu
طبعاً دلوقتي مش هتعرف تفتح الموقع علشان أنت لسه مش في المنحة
وكمان مدرس خاص هيساعدك علي المذاكرة في اللغة . , وده شكل الشهادة للغة الإسبانية اللي ممكن تاخدها من الموقع : https://goo.gl/FPWjYp
4- كورس في بداية الوصول لإسبانيا من الجمعية لإرشادك عن طبيعة عمل الجمعية وكيفية الإندماج فيها .
5- كورس من المفوضية القومية الإسباني(Spanish National Agency) لمدة أسبوع في أحدي مدن إسبانيا زي مثلأ مدينة جيرونا ودي مدينة جنب برشلونة للتعرف علي الثقافة الإسبانية وتاريخها وحقوقك وواجباتك في المنحة والتدريب ده إسمة (On Arrival Training).
6- بعد ستة أشهر فيه كورس آخر لتقييم أدائك في المنحة في مدينة مالجا والتدريب ده إسمة (Mid Term Training).
7 – مصروف جيب حوالي 105 يورو ومصروف أكل حوالي 135 يورو
8- كارت مواصلات شهري لركوب جميع وسائل المواصلات قيمته 50 يورو.
9- الإقامة في شقة في وسط البلد في فالينسيا مكونة من 4 غرف .
10- شهادة معتمدة من الإتحاد الأوروبي إسمها اليوس باس Youthpass
https://www.youthpass.eu/en/
وده مثال للشهادة اللي هتاخد واحدة زيها إن شاء الله في نهاية المنحة : https://goo.gl/rdFLJT

شروط التقديم :
1-مصري أو مغربي أو مقيم في مصر أو المغرب
2- السن من 18 سنة ل 30 سنة يعني لو أنت 17 سنة ويوم تنفع تقدم ولو أنت 31 سنة الإ يوم ينفع برده تقدم
3-يفضل يكون بيتكلم إسباني كويس بس لو أنت مش بتعرف برده قدم لإن ممكن تتقبل وده حصل معايا أنا شخصياً إني مكنتش بتكلم إسباني وبعد ما قبلوني بقيت بدور إني إزاي أتعلم إسباني علشان أعرف أندمج معاهم .
4- يفضل يكون شخص مجتهد ونشيط وعمل مبادرات قبل كده وعمل أنشطة تطوعية قبل كده سواء محلية أو دولية .
5- من أهم شروط القبول إنك يكون عندك هدف محدد وواضح وعايز تحققه من خلال المنحة وتكون شايف إنه فعلاً قابل للتنفيذ من خلال وجودك في الجمعية .
6- لازم تكون قريت عن الجمعية وأنشطتها ومتابعها زويس من خلال الوسائط المتعددة للسوشيال ميديا . زي الفيسبوك وتويتر علشان تكون عارف بالظبط هما بيشتغلوا في إيه ؟ وده حسابهم علي الفيسبوك : https://www.facebook.com/Jovesolides/
وده حسابهم علي تويتر : https://twitter.com/JOVESOLIDES
كيفية التقديم للمنحة :
1- ابعت السي في بتاعتك والكوفر ليتر علي الإيميل ده : [email protected]
ملحوظة مهمة جداً : 1- كلمة Cover letter هو زي جواب صغير عبارة عن ورقة واحدة بتكتب فيه أنت مين ومين الشخص اللي أنت باعتله الجواب ده اللي هو طبعاً في حالتنا دي (Boutaina El Hadri) وملخص عنك وليه عايز تقدم علي المنحة دي .
2بالنسبة للس في CV : هنا في موقع الإتحاد الأوروبي عمله علشان أي حد عايز يعمل سي في يبقي شكلها موحد علي مستوي ال 28 دولة كلهم الموقع إسمه EuroPass وده الموقع بتاعه :
http://europass.cedefop.europa.eu/
وده شكل السي في النهائي : https://goo.gl/ErzIgo
3- أنا عارف إن ممكن يكون عمل ال Cover letter ممكن يكون صعب حبتين أو حاجة غريبة بالنسبة لناس كتير ، فعلشان أسهل عليكم ده لينك لعمل كوفر ليتر جاهز ، أنت كل اللي مطلوب منك إنك تملأ البيانات وهو هيعملوا أوتوماتيك :]
ده اللينك :
https://europass.cedefop.europa.eu/editors/en/cl/compose
2-بعد كده هيتعمل فلترة للسيفيهات وهيختاره ناس منهم وهيبعتلهم Online Survey
وهو عبارة عن أسئلة ليها علاقة بالمهارات الشخصية ومهارات التعايش والمرونة في التعامل مع ثقافات تانية .
3- بعد كده هيتعمل معاهم Skype Interview مع المدير العام ولو أتقبل هيتبعتلوا العقد والأوراق علشان يروح السفارة ويجي يشرفنا هنا إن شاء الله في إسبانيا 😀
الجزء ده للرد علي معظم الأسئلة اللي جاتلي :
1- شرط اللغة الإنجليزية أو الدراسة : أولاً مفيش اي شروط ليها علاقة أنت بتدرس أيه أو في أنهي تخصص بالظبط سواء خلصت أو لأ ومش محتاجين أي شهادة بتقول إنك بتتكلم إنجليزي كويس زي أيلتس أو تويفل .
2- التجنيد : أنت لازم تكون مسوي أوضاعك بالنسبة للتجنيد ، لإن المنحة دي مش دراسة فمش هتأجلك التجنيد بتاعك .
3- بالنسبة لللإسباني : يفضل يكون معاك لغة إسباني ، بس لو مش معاك برده قدم لإن أكيد ممكن يكون عندك مميزات تانية ممكن يقبلوك بيها وده حصل معايا أما جيت قدمت .
4- بالنسبة للإقامة أو السكن : السكن في شقة 4 غرف وموجودة في ال city centre في مدينة Valencia .
5- مواعيد التقديم : في أقرب وقت ممكن ، وأكيد فيه حوالي شهر ولا حاجة لغاية أما تخلص ورق السفارة وتعرف تيجي هنا ، يعني ممكن علي اول يونيو أو نص يونيو لو حصل تأخير .
6- بالنسبة للتكاليف : كل المصاريف ممولة من الإتحاد الأوروبي ، يعني مش هتدفع أي شئ ، غير إنك هتدفع تمن التذكرة الطيران أما تيجي هتديهم ال
Boarding Pass
والفاتورة وساعتها هتاخد الفلوس اللي أنت دفعتها أول أما توصل .
7- هل المنحة دي كل سنة ؟ : للأسف لأ أنا كنت أول مصري يجي المنحة دي والحمد لله إديتهم إنطباع كويس أما جيت هنا وده شجعهم إنهم يعملوها للمرة التانية وأدعولنا ربنا يكرمنا هنا ونقدر نخليها كل سنة علشان ناس كتير تقدر تستفيد منها إن شاء الله .
8- بالنسبة للسن : للأسف فيه قيود علي السن لازم السن يكون من 17 سنة ويوم لغاية 31 سنة إلا يوم .
9- اللغة الإسبانية : هيكون معظم شغلك بالإسباني مع زمايلك وقليل جداً إنجليزي ، بس الإنجليزي مهم جداً لإن معظم شغلنا مع جميع دول العالم .

لمزيد من المعلومات عن السفر والهجره يمكنك الاطلاع علي بعض مقالاتنا المتميزه في هذا المجال

كيف يمكن السفر و الهجره الي ماليزيا و الحصول علي اقامه و الجنسية

كيف السفر و الهجره الي سلطنة بروناي و الحصول علي عمل و اقامه

كيف السفر و الهجره الي سنغافورة و الحصول علي عمل

كيف الهجره الي جورجيا و الحصول فيزا علي عمل و اقامة

كيف السفر و الهجره الي تركيا من مصر و شروط السفر و الحصور علي اقامه و عمل

عن اسامه محمد

مدون عربي اهتم بكل ما هو جديد واقوم بتقديمه لكم

شاهد أيضاً

أشهر طرق الهجرة الى امريكا

اسهل طرق الهجرة الى امريكا

الهجرة إلى أمريكا وخاصة معظم المسافرين، ونسبة كبيرة من الشباب العرب بشكل عام يحاولون الهجرة ...

9 تعليقات

  1. عيوني بلكت كلي اني اريد اهج من العراق بهذلنه شلون اقدم بلكت توضيح اكثر للموضوع

    • اسامه محمد

      السفر التطوعي الي اسبانيا خاصه للاسف للمصرين والمغاربه فقط العراق يمكن تقديم طلب لجوء الي السفاره الاسبانيه

  2. هل السفر التطوعي متاح لزوجه بأولادها ولا شرط أكون بمفردى برجاء الافاده وشكرا

  3. I want to volunteer to travel to Spain

  4. اريد عمل تطوعي لمفردي في الصيف

  5. حمدي يوسف محمد احمد

    حمدي يوسف اريد عمل تطوعي مدى الحياه

  6. اريد عمل تطوعي مفرد في الصيف

  7. طب انا عايز اشتغل معني كلامك ان مينفعش شغل ليا

اترك رداً على Eman إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *