الرئيسية / السفر و الهجره / كيف الهجره الي جورجيا و الحصول فيزا علي عمل و اقامة

كيف الهجره الي جورجيا و الحصول فيزا علي عمل و اقامة

جورجيا هي دولة ذات سيادة في منطقة القوقاز من أوراسيا. تتوضع عند ملتقى أوروبا الشرقية مع غرب آسيا، يحدها من الغرب البحر الأسود، و من الشمال روسيا، ومن الجنوب تركيا وأرمينيا ، وأذربيجان من الشرق. تغطي جورجيا مساحة 69.700 كم2 ويبلغ تعداد السكان 4.385.0000 نسمة.

تغلب الجبال على المشهد الجغرافي لجورجيا. يقسم الحول ليخي البلاد إلى شطرين أحدهما شرقي والآخر غربي. تاريخيا، عرف الجزء الغربي من جورجيا بكولخيس، أما الهضبة الشرقية فكانت أيبيريا. بسبب الطبيعة الجغرافية المعقدة فإن الجبال أيضا تعزل منطقة سفانيتي الشمالية عن بقية جورجيا.

الوظائف الخدمية

اغلب الوظائف الي هتلاقيها ولا تحتاج الى لغة جورجية او روسية هتكون وظائف خدمية – في مطاعم كافيهات فنادق – في المطبخ او جرسون او الشيشة او نظافة – وسمعت كمان عن “فواعلية” في مشاريع عقارية – حاجات لا تحتاج مهارات لغوية او احتكاك مباشر مع الزباين. لكن هل ممكن في اي مكان؟ للأسف لأ. اغلب الاحوال هيكون صاحب العمل اجنبي (غير جورجي) – هتلاقي مطعم – عراقي – مصري (عربي عاما) – تركي – ايراني. اغلب الاماكن هيكون عنده اولوية لابناء بلده. يعني العراقي هيشغل العراقي  والايراني هيشغل الايراني. ان لم يجد، ممكن يشوف جنسيات تانية. ممكن الاماكن دي تشغلك من غير ورق في الاول، ولو مبسوط منك يعملك عقد عمل. الشغل ده كمان اغلبه هيكون موسمي. يعني بيشتغل اكتر من المواسم السياحية المزدحمة، خصوصا الصيف. انا زورتها في فصل الشتاء فقط، وكنت شايف مطاعم كتير جدا في المناطق السياحية فاضية.

في الحالة دي هل مفيش عائق لغة؟

مفيش عائق لغة جورجية او روسية، لكن هيكون في عائق لغة انجليزية لو اشتغلت في مطعم غير عربي. لازم تكون بتعرف تتكلم انجليزي علشان تعرف تتواصل مع الناس الي حواليك في الشغل اذا لم يكونوا عربا. اضعف الايمان يعني لازم تكون بتتكلم انجليزي علشان تتفاهم في الحاجات البسيطة مع التركي والايراني والجورجي.

مرشد سياحي للعرب

من الوظائف المنتشرة للمصريين هنا في مجال السياحة هي مرشد سياحي للسياح العرب او المصريين الي بيزوروا جورجيا كتير بقالهم كام سنة. افواج او عائلات او افراد بيحتاجوا مرشد سياحي يكون معاهم بيتكلم عربي علشان يسهل امورهم في التنقلات والمزارات. بتحتاج خبرة ومعارف في مجال السياحة.

ازاي تاخد اقامة قانونية؟

لو لقيت وظيفة مناسبة بمؤهلاتك او من غير مؤهلاتك، ينفع اعمل اقامة قانونية؟ ينفع طبعا. لكن علشان تحصل على اقامة قانونية هتكون محتاج عقد عمل في خلال اول ٣٠ يوم من وصولك الى جورجيا. ليه بقى؟ لو مسافر جورجيا بتأشيرة سياحة، لازم تقعد فيها ٣٠ يوم فقط وتخرج منها بدون كسر التاشيرة. حتى لو معاك عقد عمل في اليوم ال٣١، مش هتعرف تعمل اقامة.

كسر التاشيرة

علشان تتفادى مشاكل كسر التاشيرة لو عدى ٣٠ يوم من غير ما تلاقي شغل هو انك تخرج من جورجيا وترجع بتأشيرة جديدة. هل لازم ارجع مصر يعني؟ لا مش ضروري، ممكن تقدم اونلاين على تاشيرة دولة اذربيجان المجاورة لجورجيا وتروحها بالاتوبيس اسبوع وترجع مثلا. ده اقتراح ناس بتعمله علشان تتفادى الرجوع الى مصر مرة تانية علشان توفق اوضاعها القانونية في البلد.

الحل التاني هو ان واحد جورجي او صاحب عمل يعملك عقد عمل وهمي، تروح تقدم بيه على اقامة وتاخدها، وبعد كدة صاحب العمل يلغي العقد (علشان التأمينات). لكن طبعا الي هيعملك الخدمة ممكن ياخد من ٢٠٠ الى ٥٠٠ دولار علشان يعملهالك.

المرتبات مجزية؟

لو اشتغلت بمؤهلاتك، طبعا هتسألني هقبض كام؟ طبعا معرفش لان دي حاجة بتختلف من مهنة للتانية ومن واحد للتاني. مسؤوليتك تدور اونلاين وتعرف قبل ما تاخد اي خطوة. بس الي سمعته وقريته ان متوسط المرتبات ضعيف نسبيا.

الاجر اليومي للشغلانات الخدمية (من غير مؤهلات) بشكل غير قانوني في مطعم ولا كافية ولا فندق ممكن تكون في حدود ١٥ لاري في اليوم (١٠-١٢ ساعة) – ولما تصاحب الشغل يعملك عقد قانوني، ممكن يكون في حدود ال٢٠ ولو حظك حلو ممكن٢٥ لاري في اليوم. الوظيفة الاعلى اجرا هم “الفواعلية” في مشاريع البناء الخاصة بالخليجيين – محدودة نسبيا (ده الي سمعته بالحرف – ممكن يوصل ٣٠ لاري في اليوم). طيب بكام اللاري ده يعني؟ الدولار الامريكي بحوالي ٢.٧ لاري حاليا (ديسمبر ٢٠١٦) – يعني الاجر اليومي هيكون في حدود ٥.٥ دولار لو شغال غير قانوني وممكن يوصل ٧.٥ الى ١٠ دولار في احسن الاحوال لو اشتغلت قانوني. يعني لو افترضنا انك اشتغلت ٦ ايام الاسبوع – ٢٦ يوم في الشهر مثلا – هتعمل من ١٤٣ الى ٢٦٠ دولار في الشهر. هنصرف كام منهم بقى؟

تكاليف المعيشة

تكاليف الاقامة الشهرية تختلف من حد للتاني طبعا، ولكن ممكن نقسمهم لحاجتين، السكن ومصاريف المعيشة. اغلب الي سألتهم عن السكن قالوا ان ايجار اوضة في شقة في تبليسي يبدأ من ١٠٠ الى ١٥٠ دولار في الشهر. ممكن تكون اقل من كدة في احد الاحياء البعيدة عن وسط تبليسي ولو كانت اوضة فيها ٢ او ٣ مع بعض، ساعتها ممكن تكون من ٤٠ الى ٥٠ دولار في الشهر. مصاريف المعيشة (اكل، شرب، مواصلات، فواتير) ممكن تكون من ١٠٠ الى ١٥٠ دولار في الشهر.

لو افترضت انك عايش مع ٣ في اوضة علشان توفر مصاريف الاقامة وعايش باقل المصاريف المعيشية، يبقى اجمالي نفقاتك الشهرية في حدود (٥٠ + ١٠٠) = ١٥٠ دولار في الشهر. يعني احسن الظروف بالتقريب تعمل ٢٥٠ وتصرف ١٥٠ يتبقى معاك ١٠٠ دولار مثل كل شهر.

اقدر اروح اوروبا الشنجن من جورجيا؟

مش عارف ليه في اعتقاد ان تاشيرة الشنجن حاجة معمولة للتضييق على المصريين فقط في مصر وانها هتكون اسهل من اي مكان تاني في الارض؟ تاشيرة الشنجن وورقها واجرائتها متشابهين في كل حتة. تقديمك عليها من جورجيا زي تقديمك عليها من مصر. محتاج جواب شغل وحساب بنكي كويسين علشان تقدر تاخدها. تقديمك من جورجيا لا يحسن من فرص حصولك الا اذا كان ورقك قوي وسليم.

الهروب الى اوروبا ممكن؟

للاسف في مصريين كتير وصلوا جورجيا من اجل فرص عمل وحياة افضل، ولكن تحطمت احلامهم كلها بسبب ضعف فرص العمل مقارنة بمصاريف المعيشة. وقع منهم كتير فريسة للنصابين الي بيستغلوهم ويضحكوا عليهم. اشهر طرق النصب هي “التهريب الى اوروبا” ….استغربت اوي؟؟ ازاي طيب اذا كان مفيش حدود بين جورجيا ودول الشنجن؟؟ يقولك ايه بقى، هنهربك في مركب تصدير خضار من مدينة باتومي رايحة اوكرانيا عن طريق البحر الميت مقابل حوالي ٣٠٠ دولار. طيب اوكرانيا دي مش شنجن اصلا يا جدعان وظروفها الاقتصادية زي جورجيا لو مش اوحش (اهلها بشتغلوا كل حاجة يعني). بعد ما توصل اوكرانيا بقى هتشق طريقك لحد حدودها الشمالية مع بولندا وتقابل ناس تانية تهربك ليها مقابل حوالي٧٠٠ دولار. قابلت مصريين قابلوا ناس اتنصب عليهم في المواضيع دي ولا راحوا في اي حتة والي راح عليهم فلوسهم فقط.

اكيد جورجيا مسهلة موضوع الفيزا ده علشان تنشط السياحة مش علشان يجي عليها عمال اجانب يشتغلوا فيها. فرص الشغل ضعيفة وبالعافية مش هتكفي المعيشة. مرتبات الجورجيين في نفس الحدود دي، لكن المرتب بتاعهم بيكفيهم وزيادة اوي كمان علشان عايشيين في بيوتهم او مع اهاليهم وماعندهمش مصاريف سكن. علشان كدة نصيحة يعني، لو هتسافر جورجيا تشتغل، حاول تزبط امورك من قبل ما تروح مع حد هناك. ياريت ما تكسرش فيزا وتحترم قوانين البلد. لان الموضوع لو ابتدى يزيد ممكن وزارة الخارجية الجورجية تلغي التاشيرة الاونلاين للمصريين كلهم وتخليه رخم زي دول الشنجن والباب يتقفل خالص.

ناس كتير من مصر بتبعت تستفسر من المصريين الي عايشيين في جورجيا وبيسمعوا نفس الكلام الي قولته ده، لكن طبعا بيكونوا شاكيين فيهم ومش مصدقيين. بيحسوا انهم بيطفشوهم علشان “ياكلوا في خيرها لوحدهم”. علشان كدة كنت حريص اسمع من ناس كتييييير في مجالات ومن جنسيات مختلفة هنا علشان اكون تصور حقيقي عن الموضوع.

البيزنس في جورجيا

طيب لو انا واحد معايا فلوس وعايز استثمر في جورجيا، هل في فرص مجزية؟ جورجيا من البلاد الي بتسهل كل حاجة للمستثمرين الاجانب وبتتميز بشفافية عالية جدا وجهاز مكافحة فساد من اقوى الاجهزة في المنطقة. يعني قانونيا وسياسيا البلد جاذبة للاستثمار. لكن اقتصاديا؟ ده طبعا شئ مقدرش افتي فيه. لازم تروح زيارة مرة واتنين وتلاتة وتعيش هناك علشان تفهم ايه الخدمات المتوفرة وايه الخدمات الي ناقصه، وتقابل ناس عندها بيزنس هناك وتشوف الدنيا ناقصها ايه وتكون انت بتفهم فيه. الي عرفته ان اجرائات فتح شركة بسيطة وسريعة وبرأس مال مش تعجيزي.

انا قابلت مصريين هناك عاملين مطاعم او كافيهات. قابلت مصريين تانيين اشتروا عربيات وجابوا عليها سواقين جورجيين وعملوها تاكسيات. ناس تانية اجرت هوستل من صاحبه واشترت سراير وبتأجره لحسابها. الحاجات المتعلقة بالسياحة من اكتر الحاجات المهمة علشان السياحة هي قاطرة الاقتصاد الاساسية. الخليجيين بيشتغلوا في الاراضي والعقارات. يشتروا بلوكات اراضي يقطعوها ويبيعوها لبعضهم. سمعت عن قطعة ارض اتباعت ٥٧ مرة ? … في ناس اتنصب عليها في مشاريع الاراضي دي علشان اشتروا اراضي ممنوع البناء عليها او حتى الزراعة. هم علشان يجهلوا اللغة الجورجية لبسوا في الحيطة.

الدراسة في جورجيا

يوجد جامعات كتيرة في جورجيا فيها كليات كتيرة بتدرس باللغة الانجليزية. ده متوسط المصاريف السنوية لكليات مختلفة بالدولار: كلية الطب في حدود ال٧ آلاف دولار، طب اسنان ٤.٥ – ٥.٥ الاف دولار، هندسة وبيزنس ٤ الاف. بتحتاج تعمل اجرائات الدراسة في الخارج: ترجمة شهادة ثانوية عامة، ترجمة، توثيق في الخارجية وبعدين سفارة جورجيا. بتراسل الجامعات اونلاين وتجيب موافقة من الجامعة الي اخترتها. تروح السفارة بجواب القبول aceeptance letter وتاخد تاشيرة دراسة. مصاريف المعيشة ذكرتها قبل كدة.

المصادر
الموسوعه وكبيديا جورجيا

السفر الي جورجيا

عن اسامه محمد

مدون عربي اهتم بكل ما هو جديد واقوم بتقديمه لكم

شاهد أيضاً

أشهر طرق الهجرة الى امريكا

اسهل طرق الهجرة الى امريكا

الهجرة إلى أمريكا وخاصة معظم المسافرين، ونسبة كبيرة من الشباب العرب بشكل عام يحاولون الهجرة ...

8 تعليقات

  1. محمد ابراهيم الحسن

    ارغب السفار لى جورجيا لي العمل

  2. عصمت يوسف المجالي

    بدي السفر الى دولة جورجيا العمل أرجاء الرد

  3. ابراهيم عبدالله فرحان احمد

    اريد اللجوء بسبب الاوضاع والحرب

  4. مجيب القدسي

    ارغب بالهجرة والعيش بروح الفريق الواحد في جورجيا …يمني الجنسية ومقيم في السعودية

  5. طيب لو انا هستثمر هفتح كافيه مثلا أتوجه لمين وبالتحديد هيتكلف قد اي ارجوو الرد

  6. J’espère qu’il y a une place pour moi père de famille né le 21 / 11 / 6 8 ou porte de la retraite je veux changer de vie dans un autre pays je veux aider dans des centres qui aident les gens âgées .

  7. اريد السفر الى جورجياء وتعديل اوضاع المعيشية بسبب الحروب وعدم استقرار الاوضاع باليمن.. واحصل ع ايقامة ..كيف??

  8. اريد ذهاب بي سبب لقمة العيش

اترك رداً على ابراهيم عبدالله فرحان احمد إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *