الرئيسية / السفر و الهجره / كيف السفر و الهجره الي سلطنة بروناي و الحصول علي عمل و اقامه

كيف السفر و الهجره الي سلطنة بروناي و الحصول علي عمل و اقامه

كيف السفر و الهجره الي سلطنة بروناي  و الحصول علي عمل و اقامه  في البدايه يجب ان نعرف بعض المعلومات عن سلطنه بروناي

بروناي أو اتحاد برونــاي بالمالايو: نيجارا بروناي داروسلام، بالجاوية: بروني دار السلام) وتعرف رسمياً باسم بروناي دار السلام أو أمة بروناي أو أرض السلام، هي دولة تقع على الساحل الشمالي لجزيرة بورنيو في جنوب شرق آسيا.

تنقسم بروناي إلى منطقتين تفصلهما بلدة لمبانج التابعة لولاية سراوق الماليزية التي تحيط ببروناي بشكل كامل باسثناء ساحل بروناي الشمالي المطل علىبحر الصين الجنوبي. بروناي هي الدولة المستقلة الوحيدة على جزيرة بورنيو، حيث تتقاسم ماليزيا وإندونيسيا بقية الجزيرة.

تحتل بروني المرتبة الثانية في مؤشر التنمية البشرية، بعد سنغافورة، بين دول جنوب شرق آسيا، وتصنف على أنها دولة متقدمة.  ووفقا لصندوق النقد الدولي، تحتل بروناي المرتبة الرابعة من حيث الناتج المحلي الإجمالي للفرد في ظل تعادل القدرة الشرائية.

الهجره الي سلطنة بروناي

#بروناي أو أرض السلام، هي دولة تقع على الساحل الشمالي في جنوب شرق آسيا ويقدر عدد سكانها بنحو 400 ألف نسمة. تعد السلطنة من #أغنى دول العالم الإسلامي وتتميز السلطنه بمستوى معيشي مرتفع جدا نتيجة ثروتها من الطاقة ودعم التعليم والصحة وخدمات اجتماعية أخرى ويعد السلطان حسن البلقية من أثرى أثرياء العالم،
– اللغة الرسمية : لغة الملايو (البهاسا ميلاوية) واللغة الانجليزية حيث يقطن البلد عدد كبير من المغتربين من المواطنين البريطانيين والأستراليين.
– الديانه : الاسلام هو الدين الرسمى للسلطنه بنسبه 67% . البوذية 13% والمسيحية 11 ٪ .
بعد توضيح بعض المعلومات العامة نبدأ حكايه التجربة

السفر  الي سلطنة بروناي

السيدات و السادة عدنا إليكم بعد فاصل بتفاصيل العمل في سلطنة بروناي و إن شاء الله ربنا يوفقني في إني أنقل المعلومات الى أعرفها بأمانة لأن فى اسئلة كتير جدا مالهاش اجابه على الانترنت . و أنا اتأخرت في البوست للتأكد من كام معلومة كدة عشان محدش ياخد قرار متسرع فى السفر لبروناي

قبل أي حاجة لازم نلقي نظرة ثاقبة على الإقتصاد البروناوي حاليا و تكلفة المعيشة فيها عشان تحسب إن كانت هتنفع معاك ولا مش جايبة همها وممكن تستخدم مواقع البحث فى الموضوع هتفرق معاك جدا .

أولاً : قيمة الدولار البروناوي بتساوي 13 جنيه مصري .
ورقة و قلم و اكتبوا معانا :

العمل و الاقامه في سلطنة بروناي

– بالنسبة #للإقامة هنا فالموضوع بيعتمد على الايجارات طبعا لارتفاع أسعار امتلاك العقارات..الايجار هنا ممكن يبدا ب 300 دولار بروناوى و بيوصل لألف ….ألف بروناوى ف الشهر يعني فيلا فخمة فيها جراج بقى و دلع…
بالمصري 13 ألف جنيه و لكن فعليا الألف دولار هنا زي الألف جنيه ف مصر

– #المياه هنا مينفعش تشرب من الحنفية باي حال من الأحوال عشان كدة ممكن تشتري جركن مية عملاق جدا ممكن يكفي أربع أفراد لمدة أسبوع ب 7 دولار (أي كلمة دولار أكتبها في البوست أقصد بيها دولار بروناوي يعني 13 مصري )

– #الأكل هنا أغلبه رز و شطة و فراخ زي باقي الدول الأسيوية و الأسعار بتترواح بين 2 دولار و انت طالع , يعنى وجبة محترمة اوى في مطعم بتكلفك حوالى 3-8 دولار
لو هتيجب أكل فى ا لبيت و تعيش ممكن 150 دولار تلم الدنيا فى الشهر .

– #العربيات بقى هنا حكايتها حكاية مبدئيا كدة مشوفتش هنا أي موديل قديم كل العربيات فخمة و تتصور جنبها ..اللهم الا قلة قليلة معرفش ماشيين فى الشوارع ازاي ..و العربية لازم لأنه مفيش تاكسيات و عدد الباصات قليل و فى مواعيد محددة
العربية سعرها جديد بيبدأ من 15 ألف دولار و انت طالع ..يعني ممكن ب 25 ألف دولار تشتري عربية فخمة جدا
اما بقى لو ليك فى المستعمل و دة بيكون بحالة ممتازة لأنهم بيحبوا يغيروا عربيات كتير فممكن ب 2000 دولار تشتري عربية تتفشخر بيها ع الناس في مصر..و خد بقى حسد للصبح 😀

– #العمل وفرص الاستثمار او التوظيف
1- ناس معاها راس مال و عاوزة تعمل مشروع هنا
2- ناس مش معاها راس مال بس ممكن تتصرف فى مبلغ تيجي تشتغل بيه في أي شركة هنا
3- ناس مش معاها حاجة خالص ( اقرا وهتفهم كل حاجه )
* أولاً : لو عاوز تعمل بيزنس؟؟
أهلا بيك..مبدئيا كدة لازم تعمل شركة مع شخص بروناوي و توظف على الاقل مواطن بروناوي فى الشركة دي ..زمان كانت بتتعمل بتأمين 2000 دولار..لكن عشان الحكومة بتشجع على الاستثمار فقررت تخليها 450 دولار بس و دة مبلغ معقول جدا عشان تعمل حاجة اسمها (سدرين برحد) يعني ليمتد كومباني
بس خلي بالك بقى يا عم المستثمر لأن النصب كتير جدا و ممكن تخسر فلوسك لأنك متعرفش السوق البروناوي محتاج ايه بالظبط
#مثال ؟
البلد هنا ليل نهار في مطر فمتجيش تقول هاستورد ملمع أحذية لأنهم أصلا مش بيستعملوه لظروف الأرض و المطر و أصلا أغلبهم بيلبس شباشب و صنادل عشان الصلاة فى المساجد
يبقى معاليك قبل ما تصرف أي دولار تحاول تفهم السوق ماشية ازاي؟؟
طب هتسألني و تقولي انا اعرف منين مواطن بروناوي عشان أشاركه مشروع؟؟
أحب أقولك هتاخد رست لغاية ماتلاقى وفى شركات بتوفر دا .

* ثانيا : أخي الغلبان الذي عصفت بك الظروف و لم تعد في عداد الطبقة المتوسطة .تشبث بالأمل فلعله يكون بين هذه السطور
هقولك على الزتونة الى تخليك تيجي هنا #موظف_في_بروناي
مبدئيا كدة عاوزك تقرا كلامي عن تكلفة المعيشة و تحسبها فى دماغك لأنك لو اشتغلت هنا أي وظيفة مرتبك هيبقى بين 400- 500 دولار بالكتير كبداية
طب انا ممكن #أشتغل ايه؟؟

بروناي دولة معروفة #بالغاز و #البترول عشان كدة معظم خريجي المجال دة عندهم أمل كبير يشتغل هنا..بس الوقت الحالى البترول نفسه بدأ ينفذ و بقى في اتجاه كبير لتعيين البروناويين فى وظائف محلية و لغاية اول امبارح السلطان حسن اتكلم عن الموضوع دة بصراحة كدة للشعب و قال عاوزين نبعد عن الاستثمار في مجال البترول وا لغاز الطبيعي…طب ايه المطلوب في بروناي؟

#المطلوب هنا الوظائف النادرة من نوعها بحيث انه ميكونش فى بروناويين بيعرفوا يعملوا نفس الحاجة لأن الحكومة هتجبر صاحب الشركة على تعيين المواطن المحلي

طب في مجالات نقدر نعملها؟؟

أه طبعا في #الطب_البيطري بمختلف أنواعه لأن الشعب البروناوي بيخاف من الأمراض المعدية جدا فمفيش أصلا كلية طب بيطري…
#الهندسة_المعمارية
#التخصصات_الطبية النادرة زي الجراحة و الأورام
و أكتر حاجة هيا #الأكل الشعب البروناوي أكيييل جدا و مبيحبش يعمل اكل ف البيت..يعني لو هتبيع مية ساقعة فى الشارع هيشتروا منك والذات لو بتعمل اكل حلو ومختلف .
في مطاعم كتير بس كلهم ما شاء الله حسب ما شوفت بنفسي شغالين كويس
#الأعشاب_الطبيعية و #الزراعه ولسه مش متوفر معلومات عنهم اقدر اقولهالكم

– طيب انت ضمن التخصصات دى وحابب تسافر يلا ؟
عشان تيجي هنا كموظف لازم تتواصل مع وكالة تكون مضمونة فى التعامل و دي بتكون وسيط بينك و بين الحكومة بتخلصلك الورق مع محامي و دة بيشمل التأمين على حياتك و أجر الوكالة بتدفعهم بالإضافة لتذكرة طيران

طب بكام دول ؟؟
التذكرة بمتوسط 7000 مصري ..و انت و حظك ممكن اقل و ممكن اكتر ..انا شخصيا حجزت بخمسة و نص
أجر الوكالة و المحامي حوالي 8000 جنيه مصري
و اجراءات السفر فى مصر و رخصة قيادة فى حدود 2000
يعني تقريبا محتاج 20000 عشان تبدأ حياتك هنا ومبلغ زى دا ان شاء الله سهل يدبر لو بيعت حاجه عندك بحيث تزود عليهم شوية كمان وتبقى جاهز للظروف .
بس خلي بالك من نقطتين أهم من بعض:
أولاً لازم تحسب هل هتقدر تعيش هنا بالمرتب دة في ظل التكاليف دي؟؟
ثانياً: هل اتأكدت من الوكالة دي انها تمام مش مجموعة نصابين؟؟

لمزيد من المعلومات عن بروناي يرجي زياره الروابط التاليه

بروناي

تاريخ بروناي

لمزيد من المعلومات عن السفر والهجره يمكنك الاطلاع علي بعض مقالاتنا المتميزه في هذا المجال

كيف يمكن السفر و الهجره الي ماليزيا و الحصول علي اقامه و الجنسية

كيف السفر و الهجره الي سلطنة بروناي و الحصول علي عمل و اقامه

كيف السفر و الهجره الي سنغافورة و الحصول علي عمل

كيف الهجره الي جورجيا و الحصول فيزا علي عمل و اقامة

كيف السفر و الهجره الي تركيا من مصر و شروط السفر و الحصور علي اقامه و عمل

عن اسامه محمد

مدون عربي اهتم بكل ما هو جديد واقوم بتقديمه لكم

شاهد أيضاً

أشهر طرق الهجرة الى امريكا

اسهل طرق الهجرة الى امريكا

الهجرة إلى أمريكا وخاصة معظم المسافرين، ونسبة كبيرة من الشباب العرب بشكل عام يحاولون الهجرة ...

47 تعليقات

  1. معى فيزا عمل لبروناى واريد احضار زوجتى وابنى معى ماهى الاجراءات المطلوبه

  2. انا حابب انى اعيش فى بروناى .بس عاوز حد ثقه يدلنى على عمل

  3. عبده الشربيني إبراهيم

    هل ممكن اعمل شركه ديكور دهانات داخليه تشطيب تذهيب وتعتيق ولا صعب

  4. انا اسمي حسام من سوريا وحاليا بلبنان بطرابلس بدي سافر مشان اقدر اعيش وعيش اهلي واخواتي صغار اذا في مجال وهاذ رقم تلفوني 76588022

  5. شكرا لك اخي الكريم علي توضيحك للامور في هذا البلد
    عفوا ولأكنك لم تتحدث باي معلومه الي المجالات الآخري الحرفية معظم الشباب حرفين مثل نجار حداد سباك دهان كذا وكذا هل يتوفر فرص عمل لهم كافه المعمار الايدي العاملة اجمع
    لو بتشوف التعليق أرجو رد شكراا

    • المهن الحرفيه دائما تكون مطلوبه في كل البلاد لاكن الاعمال الفنيه هناك منافسه عليها مع العماله الهنديه والصينيه وهي عماله ماهره تحتاج لاثبات الذات للمنافسه معهم

  6. تواصل معي ضروري 0096893955475

  7. ممكن أحد يفيدنى .انا بشتغل في مطعم لبنانى ويتر والحمدلله خبرة . عايز أسافر اى بلد مش عربي . ساعدونى

  8. حسين الجيدبوري

    السلام عليكم انا ساءق مكاءن ثقيله بوكلان لودر ومش معي رخصه وعمري 67سنه هل اجد عمل في بروناي مع الشكر الجزيل ؛-
    حسين عراقي حاليا في تركيا

  9. ممكن التواصل ع الخاص اريد استفسر عن شئ ضروري بعد اذن حضرتك 0096897871008

  10. عبدالرحمن محمد

    شكرا اخي الكريم انا مشغل معدات ثقيلة عمري ٣٣ عام خبره ١٠ سنين في مصر والسعودية ازاي اوصل لشركات الوساطة دي في مصر يعني عن طريق السفارة ولا اروح فين ممكن واتساب ٠١٠٠١١٧٦٢٢٤ ومعي مؤهل فوق متوسط متزوج

  11. انا متخصص كشف اعطال السيارات بالكمبيوتر وتنظيف رشاشات بالكمبيوتر واصلاح الأعطال الكهروميكنك ايه النظام

  12. أسامة زكي محمد

    عملت مدير مالي واباري ممارسة كافة جميع الأعمال المحاسبية وكافة الأعمال الادارية والموظفين
    ( خبرة 35 سنه ) ( 30 سنه )في السعودية و ( 5 سنوات ) في مصر في مجموعة شركات شقيقة تعمل في مقاولات انشاء لطرق وصناعة مواد سلامة الطرق
    وخبرة في تأسيس الشركات واداراة الشركات والمصانع ووضع النظام المالي والاداري والوظيفي
    بكالوريوس تجارة 1981م
    متزوج
    تاريخ الميلاد 1957/12/22م ( 62 سنة )
    مسلم
    هل يمكن السفر لبروناي والعمل ( محاسبة ومالية وادارية وموظفين ) بها
    وهل يمكن الحصول على عقد عمل قبل الوصول أو لابد من ضرورة الحضور أولا لبروناي وفي هذه الحالة يسهل الحصول على عمل أو ماهي النصيحة المناسبة حاليا .
    هل توجد عملة بروناي في البنوك المصرية
    هل الدخول لبروناي يحتاج فيزا ونوعها ( عمل – سياحة – أو أو ) وكيفية الحصول على الفيزا وأسعارها
    الاسئلة كثيرة ولكن نكتفي بهذا الكم والذي من خلال الرد عليه يمكن طرح اسئلة أخرى
    شكرا لحسن تعاونكم وجزاكم الله خيرا

  13. احمد كمال الدين

    السلام عليكم ممكن تعرف مكتب محامي يفتح شركة في بروناي

  14. سلام عليكم انا اريد ان افتتح مطعم مغربي وحمام مغربي في بروناي

  15. شكرا جزيلا ع هذي المعلومات واتمنا للجميع التوفيق والحلو في الموضوع انك تتكلم عن تجربه وبلغه بسيطه مش نسخ ولصق زي المواقع الثانيه تحياتي لجميع القراء

  16. علي الرداعي

    أريد السفرإلى برناوي أنا أمام وخطيب من اليمن
    وهل أهل السنة لهم مساجد هناك أم لغيرهم من الفرق

  17. طارق فتحى عبدالعظيم

    السلام عليكم و رحمة الله و بركاته. مقالك جميل اخي الفاضل. يا ريت لو تكرمت تعطيني اسم شركة موثوق منها و كذلك محامي ثقة أستطيع أن أتواصل معهم من مصر حتى لا أتعرض للنصب كما ذكرت . . في انتظار ردكم الموقر. جزاكم الله خيرا.

  18. عمرو الخميسى

    سلام عليكم
    حضرتك وفيت مشاء الله
    بس انا أعمل فى نحت الخشب هل يوجد هناك مجال لهذه المهنة.
    وجزاكم الله خيرا.

  19. سلام عليكم استاذ اسامه
    انا مهندس معماري وزوجتي طبيبة علاج طبيعي
    اريد السفر إلى السلطنه ولكن معرفش حد هناك او وكاله لو تقدر تتواصل معايا ودلني على حد يبقي جزاك خير
    وانا حاليا فى الكويت
    رقمي 0096565553004

  20. انا معلمة رياضيات هل فيه مجال. لماذا لم تتكلم عن الدراسه الجامعيه هناك؟

  21. السلام عليكم ورحمة الله وبركاته لجميع الإخوة والأخوات ، خذوا هذه النصيحة مني كخبير ومهندس تغرب منذ سن 24 إلى أمريكيا ، ثم الخليج وكوريا الجنوبية وأمريكيا بحكم متطلبات وطبيعة الأعمال الحرة ( Business) ,
    النصيحة : سواء في الغربة أو في بلدك وهنا أقول أن بلدك أفضل حتى لو لم يكن الدخل بالمستوى المطلوب ، ولكن القاعدة واحدة ، وهي أنه لتحقيق الإستقرار المادي في حياتك يجب أن تكون أو بالأحرى تصبح Entrepreneur , يعني تأتي بفكرة أو مهارة معينة تتقنها وتحبها ، يعني أي شيء أنت تحبه وتحب أن تفعله وبالتالي حتما تصبر على معاناته وصعوباته لأنك بالنتيجة ستبدع في الإيداء ومن ثم تحول هذه الفكرة أول العمل إلى مصلحة أو Business.
    فمثلا : إنسان يحب الكلام عن أي شيء وفي كل شيء ، يمكن أن يكون / تكون محفزا وموجها ومحاضرا للناس عن الإبداع في الحياة لكل في المجال الذي يحبه ويتفانى من أجله وطبعا هذه تسمى دورات أو Seminars تتم الدعاية لها وتأتي الناس لحضورها في مكان معين أنت تقرره مثل أن تستأجر Club Room في فندق بد ون دفع مسبق وفقط بعمولة من المربح .وهناك تفاصيل سهلة وكل شيء ممكن بالتفاوض مع أضخم الفنادق أو أقله شهرة ، فقط لا تضع عقبات أمامك .

    مثال آخر : واحد أو واحدة بلغة بسيطة للتسهيل يحب ويستمتع بالطبخ ، يمكن أن يبدأ بستاند لبيع طعام بسيط يتقنه كساندوش معين مثلا ويكون الستاند Food Stand في موقع مزحم بالناس أو ب السيارات كشارع معين مزدحم ، فمثلا يعجبني شخص من مصر يأتي لصلاة الفجر ثم يذهب إى طاولته على جانب الطريق في شارع الجاردنز في عمان الأردن ، وهذه الطاولة بأبعاد متر ونصف طوا وعرض أقل من متر ومحمولة على ثلاثة عجلات ولها مظلة يبع عليها ساندويشات فلافل وبيض للسيارات والمارة إلى موعد صلاة الظهر فقط ، وأكاد أجزم بان هذه الفكرة تدر دخلا إجماليا لا يقل عن ثلاثة ألاف دينارا أردني شهريا ، ما شاء الله ، االهم بارك ، إذن كيف يكون الحال لو كان هناك عدة مواقع وعدد من العربايات لهذه الفكرة ؟ حتما سيكون بمقدور ه أن يفتح مطعم مثلا ويتتطور .

    مثال آخر : بمقدور هذا الشخص آن يتطور و يحضر الساندويشات في البيت أو مكان مستأجر رخيص بكميات كبيرة ثم يقوم ببيعها للكفتريات في المدارس والمستشفيات والكليات ويتم ال Packaging بيطريقة محترفة تعطي انطباع النظافة .

    الأفكار كثيرة جدا ، ولا تعتقد أنه يمكن تنفيذها فقط في الغربة وبعيدا عن الوطن ، بل على العكس هي أصعب في الغربة ، فقط يجب أن لا نضع العقبات في الطريق ويجب الإستمرارية والمثابرة والتخلي عن ثقافة العيب ، ف Warner Bufet أغنى الأغنياء كان يبيع الجرائد في سن 13 .

    والخلاصة ؛ لا تنظر إلى الغربة كحل لجميع مشاكلك ، إنما هو تحدي جديد ومشاكل جديدة وفي غير وطنك وبلاد العالم كلها متشابهة ، والفرق فقط في النهضة العمرانية والعلمية والصناعية والزراعية والهندسية ، وأما الطبيعة فهي من إعجاز الخلق ، والناس كلهم خلق الله بثقافات وديانات ولغات مختلفة ، وأما الأمن والأمان الشخصي وهو الأهم في حياة الإنسان ، فإني لم أجد له مثيلا في بلادنا والحمد لله ،

  22. ماهي الخطوة الأولى لهجرة لبورناي

  23. رأفت أحمد اسماعيل ابراهيم

    أعمل في الأزهر الشريف مدرس لغة عربية و قرآن كريم وأد السفر إلى بروناي فما الخطوات اللازم عملها أرجو التوضيح

  24. احمد عبدالراضي

    انا اسمى احمد عمرى 52 سنة اريد فرصة عمل فى سلطنة بروماى في مجال تكرير الزيوت غذائيه او الصناعيه خبره فى المجال 30 عام ارجو الرد علي رقم هتافى 01276027006

    • السلام عليكم ورحمه الله استاذ احمد فيه مكتب عايز سواقين درجة أولى لبروناى بيقول شركة بترول والإقامة وكل حاجة عليهم والرواتب 750دولار هل الكلام ده بصحيح ولا ايه رايك وعايز هنا حوالى 40000الف تمن العقد ده يا ريت لو تفدنا قبل من نعمل اى حاجة وشكر لحضرتك

  25. مشكور كتير على الكلمة الصادقة والسرد بالطرح الامين< وعاجل
    وعليه يرجى التواصل على الخاص 00201006627629 او عبر تطبيق
    ,Instagram, IMO, Telegram للاتفاق على بدء تفعيل التنفيذ والتعاون معا

  26. عبد المنعم أحمد عبده

    السلام عليكم
    انا من مصر اعمل في مجال الكمبيوتر بيع و شراء و عندي خبره ه في المجال ده هل في فرصه في ذا المجال

  27. عبد المنعم أحمد عبده

    اعمل في مجال الكمبيوتر بيع و شراء و عندي خبره ه في المجال ده هل في فرصه في هذه البلد في هذا المجال الرجاء الرد

  28. سلام عليكم ورحمة اللة وبركاته استاذ أسامة ممكن تنصحني اعمل ايه انا فيه حد جايب شغل السواقين في بروناى فى شركة بترول والإقامة وكل حاجة عليهم والرواتب 750 دولار هل الكلام ده بصحيح ولا ايه رايك ومطلوب منى هنا حوالى 40،000 بس عايزين نطمن عشان مايضحكش علينا والتوكل على الله وشكرا جزيلا لحضرتك

  29. معلومات مفيدة ونشكرك بس بالنسبة للوظائف الادارية مثلا (الموارد البشرية ) مجالي هل هو مطلوب ولة عشان البلد صغيرة والعمالة الاجنبية ولو شغال المجال دة بحكم خبرتك اوصل علي السفارة علي طول ولة في وكالة محترمة انت ترشحلنا والواحد لسة سنة ثلاثينات وغير كدة ممكن الواحد اما بس يروح ممكن يشوف يفتح اية هناك بس هل سفارة ولة وكالة

  30. هل لي السفر الي سلطنة بورناي دار السلام للعمل هناك وان كان الاجابه بالإيجاب فما هي الإجراءات للسفر والعمل هناك

  31. خبير بامجال البناء مقاولات خبره 17سنه أريد السفر لبورناي ساعدونا

  32. حسام الدين مصطفي النحاس

    أنا إسمي حسام الدين مصطفي النحاس فني أول كهرباء بمحطه توليد الكهرباء البخاريه والغازيه لديه ثالثه أولاد اتمني إن أعمل عندكم في محطه كهرباء عندكم ولي الفخر العيش عندكم والسن ٤٧ وجزاكم الله خيرا 0102361255/ 01553906431

  33. انا مهندس ميكانيك بخبرة أكثر من 30سنة في أمور الصيانة و التصنيع لمعدات الحفارات في حقول النفط أرغب بالعمل بالسلطنة ولكن لأ اعرف أحد كيف أقدر أن أصل عن طريق شخص موثوق وسكرا

  34. أنا مصري عايش فى دبى و اعمل و ولكنى أريد فيزا عمل لسلطنة بروناي

  35. رضا محمد إسماعيل

    أنا معلم قرآن كريم و تجويد و تلقين أطفال عن بعد و أريد العيش في بروناي و العمل على تحفيظ المسلمين القرآن و تعليمهم القرآن و اللغة العربية أنا خريج كلية أصول الدين جامعة الأزهر و أعمل معلم

  36. السلام عليكم فيصل من الجزائر كنت رياضي نخبة و الان انا مدرب كرة قدم عندي ديبلوم خريج المعهد التكنولوجي لي الرياضة تخصص كرة قدم .
    هل فيه مجال اني احصل على عمل في بروناي

  37. السلام عليكم انا شيف حلواني 37عام عايز اعرف طريقة للهجرة لسلطنة

  38. مسعد عبد الواحد عمر

    اعمل فني أشعة عادية خبرة ٢٠سنة بالمستشفيات العامة والجامعية

  39. انا مدرس بيولوجي واريد ان اسافر ومستعد للعمل في مجال هل هناك فرصه لذلك

  40. انا سباك صحى وحاصل على دبلوم صنايع وعندى خبره 23 سنه ممكن اسافر وهل يتوفر لى عمل هناك

  41. أرغب بالسفر

  42. السلام عليكم ورحمة الله وبركاته
    انا مهندس مدني هل شغل الانشائات كتير وبيطلب مهندسين مدني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *